საინფორმაციო შეხვედრები აბიტურიენტებთან

აბიტურიენტთა მეტი ინფორმირებულობის მიზნით, მრავალ უნივერსიტეტში ყოველდღიურად იმართება ღია კარის დღეები.

ამჯერად შეფასებისა და გამოცდების ეროვნული ცენტრის წარმომადგენლებმა საინფორმაციო შეხვედრა ქუთაისში გამართეს.
შეფასებისა და გამოცდების ეროვნული ცენტრის დირექტორმა სოფო გორგოძემ და ცენტრის წარმომადგენლებმა აბიტურიენტებს ერთიანი ეროვნული გამოცდების სიახლეების შესახებ მიაწოდეს ინფორმაცია და მათ მიერ დასმულ კითხვებს ამომწურავად უპასუხეს.
ერთიანი ეროვნული გამოცდებისათვის რეგისტრაციის პროცესი დასრულებულია. აბიტურიენტებს პროგრამების შეცვლა და დამატება აპელაციების შედეგების გამოქვეყნებიდან მომდევნო დღის ჩათვლით შეეძლებათ.
  საინფორმაციო შეხვედრები აბიტურიენტებთან მარტის თვიდან დაიწყო და თბილისში, გორში, თელავში, მარნეულში, ახალციხესა და ახალქალაქში გაიმართა.
დატოვეთ კომენტარი